МӘКТӘПТӘ УКЫТУЧЫЛАР КӨНЕ

Бишенче октябрь – халыкара укытучылар көне узды. Әлеге бәйрәм һәр мәктәптә дә зурлап үткәрелә. Безнең мәктәп тә бу чарага алдан ук әзерләнә башлады.

Без укытучыларга күп кенә бүләкләр әзерләдек. Аларга мәктәп тормышына бәйле сораулар биреп видеоролик төшердек, концерт программасы әзерләдек. Ветеран укытучыларны да онытмадык:
һәрберсенең өенә барып котладык, чәчәк бәйләмнәре бүләк иттек.

Бишенче октябрь иртәсендә укытучыларны мәктәп ишеге яныннан ук чәчәк бәйләмнәре белән каршы алдык. Бәйрәм көнендә без укытучыларны ял иттерегә булдык: кечкенә һәм урта  сыйныфларда дәресләрне 8-9нчы сыйныфлар укытты. Өч дәрес укыгач, концертны башладык. Укытучыларга багышланган берсеннән-берсе матур җырлар, шигырьләр сөйләдек. Кичәне бөтен мәктәп укучылары биегән флешмоб белән тәмамладык.

Бәйрәм барыбызга да бик ошады. Бөтен кеше дә канәгать калды.

Кайбыч районы Борындык гомуми
төп белем мәктәбенең, 6 нчы сыйныф
укучысы Абдрахманова Ләйсән