УҢДА – АЛМА, СУЛДА – АЛМА…

Уңда алма, сулда алма, бакчада алма, өйдә алма… Быелгы алма уңышын нишләтергә белми аптырап йөрисеңме? Шарлотка җитәрлек пешерелде, алма кайнатмасы җитәрлек кайнатылдымы? Тиз дә, тәмле дә булсын дисеңме? 

Бүген без сиңа пешерелгән алма (запеченное яблоко) рецептын тәкъдим итәбез:

1. Уртача зурлыктагы алмаларны алып, әйбәтләп юабыз. 

2. Пычак белән алмаларның үзәген алабыз, чүпләреннән чистартабыз. 

3. Барлыкка килгән бушлыкка бик күп итмичә шикәр комы салабыз. 

4. Таба өстенә махсус кәгазь җәеп, өстенә алмаларны тезәбез. 

5. 180 градус температуралы духовкага тыгабыз. 25-30 минут пешерәбез. 

Тәмле булсын!