ЖУРНАЛИСТЛАР ТЕЛЕНЕҢ АҢЛАТМАЛЫ СҮЗЛЕГЕ

журналистлар

Журналистлар үзләренә генә хас телдә сөйләшергә яраталар инде алар. Һәм еш кына аларның ни әөтергә теләвен аңлап та булмый. Аңлауны җиңеләйтү өчен сезгә кыска гына сүзлек тәкъдим итәбез.

А

АНАЛИТИК – бик акыллы журналист. Ул тормышның нинди булырга тиеш түгелен белә һәм башкаларга аңлаткандай итә.


Б

БЛОГЕР – кайдадыр гаражларда яшәүче мифик затлар, журналистлар аларның фикере тирән һәм дөрес дип саный, һәм шуларны эзләп, Интернетның изге сәхифәләрен актара.


Г

ГУГЛ – илаһи акылга ия зат. Аның һәр сүзенә, һәр аңлатмасына ышанырга була.


Ж

ЖУРНАЛИСТЛАР – ашамый, эчми, йокламый торган илаһи затлар, алар бер дулкында фикерлиләр, һәм еш кына барысы да бер темага язалар.


К

КОНВЕРГЕНЦИЯ – бик күп акча таләп итә торган процесс.
КЕШЕЛЕК – Твиттер, Фейсбук, Вконтакте, Инстаграм кулланучылары һәм тагын ике әби белән бер бабай.


М

МЕДИАКОНСУЛЬТАНТЛАР – журналистларның үз редакцияләре турындагы фикерләрен тыңлаганнан соң, шул ук фикерләрне саннар белән исбатлап бирә торган кешеләр.
МОБИЛЬ ТЕХНОЛОГИЯЛӘР – һәр ел саен “киләсе елга” редакциягә керергә тиешле үзгәрешләр.


Р

РЕДАКТОР – язылган һәр мәкалә өчен җавап бирүче һәм гомерен шуларга фида итүче мөһим кеше.


Т

ТРЕНИНГ – кемгәдер җитәкче булган кешеләрнең үзләренә буйсынучылар белән аралашу һәм җитәкче булуын үз-үзенә исбатлау мәйданы.


У

УКУЧЫЛАР – хата киткән очракта, озын хатлар юллый торган куркыныч кешеләр.

 

Бик җитди кабул итмәгез 🙂


 

Тагын укыгыз:

ЖУРНАЛИСТЛАР НИЧЕК КИЕНӘ?

ЯШЬ ЖУРНАЛИСТЛАР ФЕСТИВАЛЕ