АКТАНЫШТА ЯШЬ БАТЫРЛАР АЧЫКЛАНА (ФОТО)

Татарстанның Беренче Президенты кубогына көрәш ярышлары үткәрелә башлаган көннәреннән үк Актанышта төпләнде. Кичә, 26 апрельдә үсмерләр арасындагы әлеге көрәш турнирының чираттагысы башланды.

“Ялкын” редакциясе мәртәбәле көрәш бәйгесе турында язма әзерләр өчен данлыклы Актаныш төбәгенә барды. Гәрчә телефоннан яки интернеттан гына мәгълүмат алу мөмкинлеге булса да.

Бүген 400 гә якын яшь батыр катнашкан көрәш бәйгесенең финал өлеше башланды. Җиңүчеләр билгеле булгач, чарадан тулы фоторепортаж һәм язма урнаштырырбыз.

Әлегә ачылыш тантанасыннан һәм келәмдәге киеренке һәм кызыклы мизгелләрне тәкъдим итәбез.

Безнең сайтны күзәтеп барыгыз!


Илназ Мөхәрләмов фотолары