АВЫЛЛАР БИЛ АЛЫША /ФОТОРЕПОРТАЖ/

12-13 октябрьдә Казанның “Ак Барс” көрәш сараенда Татарстан Республикасы Авыл хуҗалыгы һәм азык-төлек министрлыгы призына көрәш буенча республикакүләм ярышлар уза. Исеме җисеменә туры килсә, келәмдә нәкъ менә авыл көрәшчеләре бил алышырга тиеш. Ләкин алай булганы гына юк. Келәм быел да елдагыча профессиональ көрәшчеләр өчен җәелде – ике көн дәвамында биредә республиканың 300гә якын иң көчле көрәшчесе көч сынашачак.

Узган ел әлеге турнирда беренче-өченче урынны Зәй, Теләче һәм Кукмара командалары яулаган, үз авырлык үлчәвендә Фирзәр Гыйниятуллин (Теләче), Ислам Фәләхов (Алабуга), Ренас Кәлимуллин (Менделеевск), Илмир Төхвәтуллин (Балык Бистәсе), Раил Нургалиев (Теләче), Радик Сәлахов (Зәй), Сергей Павлик (Зәй) чемпион булган иде.

Ярышларның ачылыш көненнән фоторепортаж тәкъдим итәбез.

Ринат НӘҖМЕТДИНОВ фотолары