КАЗАНДА СТУДЕНТЛАР АТЫШТЫ /ФОТОРЕПОРТАЖ/

Бүген, 4 майда, “Казан” ат спорты комплексы территориясе башкала ВУЗларының пейнтбол уйнарга яратучы студентларын үзенә җыйды.

Казанда студентлар турниры әле беренче тапкыр гына оештырыла. Татарстанның Пейнтбол үзәгендә 8 уку йорты вәкилләре катнашты.

Чараны оештыручылар пейнтбол уены аша студентларны компьютер каршыннан тартып алып булуына өметләнә. Татарстан Пейнтбол федерациясе вице-президенты Анатолий Марьин сүзләренчә, компьютер уеннары күреп үскән бүгенге студентлар өчен пейнтбол – реаль тормышта “атып карау” мөмкинлеге. Шул ук вакытта бу – яшьләр өчен актив ял гына түгел, чын спорт та. Беренче мавыгулар профессиональ дәрәҗәгә дә күтәрелергә мөмкин.

Сүз уңаеннан, Татарстанның Пейнтбол үзәге Россиядәге иң заманча үзәкләрдән санала.

Ринат НӘҖМЕТДИНОВ фотолары