РЕСПУБЛИКА КӨНЕ ТУРЫНДА БЕЛӘСЕҢМЕ? /ТЕСТ/

«Үткәнен белмәгәннең киләчәге юк», – дигән безнең ата-бабаларыбыз. Димәк, һәрбарчабыз милләтебез һәм халкыбызның тарихы белән кызыксынырга, аны белергә тиеш.

Бик тиздән ТАССР оешуның юбилеен билгеләп үтәчәкбез. Ә аңа кадәр, 30 август көнне, бөтен татарстанлыларны тагын да зуррак бәйрәм көтә: Республика көне! 1990 елның 30 августында төнге унберенче яртыда Татарстанның бәйсезлеге турында Декларация кабул ителә. Соңрак әлеге документ нигезендә республика Конституциясе эшләнә, референдум үткәрелә, татар теле, мәдәнияте белән бәйле кануннар кабул ителә. Иң элек суверенитет көне буларак уздырылган бәйрәм бүген күпләргә Республика көне яки шәһәр көне буларак билгеле. Бәйрәме ничек кенә аталса да, бу көн һәр татарстанлы өчен үзенчәлекле.

Республикабызны данлар алдыннан, «Ялкын» журналы сезгә ТАССР тарихын тагын бер кат ачып укырга һәм әлеге сорауларга җавап бирергә тәкъдим итә.