«ЛИДЕРЛАР МӘКТӘБЕ»НӘ КУШЫЛ!

Дуслар! Моннан берничә ай элек «Лидерлар мәктәбе» проектын торгызып җибәрдек. Шушы кыска вакыт аралыгында Татарстан Республикасы Дәүләт Советы Рәисе Фәрит Хәйрулла улы Мөхәммәтшин, Татарстан Республикасы Мәгариф һәм фән министры Энгель Нәвап улы Фәттахов, Татарстан Республикасы «Ак калфак» Хатын-кызлар җәмгыяте рәисе Кадрия Рәис кызы Идрисова белән очрашулар булды.

Журналыбыз битләрендә әлеге шәхесләр белән әңгәмәләрне дә күреп, укып барасыңдыр. Моңарчы «Лидерлар мәктәбе» проектында балалар редколлегиясе әгъзалары актив катнашып килде. Тик үзебезнең яраткан укучыларыбыз турында да онытмыйбыз һәм сиңа да әлеге проектта катнашу мөмкинлеге бирәбез.

Ни өчен нәкъ менә син «Лидерлар мәктәбе» проектында катнашырга тиеш дигән сорауга җавап рәвешендә кечкенә генә эссе һәм
икенче яртыеллыкка «Ялкын» журналына язылу квитанциясен
yalkin_konkurs@mail.ru адресына
«Лидерлар мәктәбе» тамгасы белән җибәр һәм очрашуга чакыру көт.