“КӨТЕЛМӘГӘН ҖӘЙ” – ИГЪТИБАР, КОНКУРС!

Эх, җиләкле җәйләрнең… дип җырлыйсы килә дә бит, тик һава торышына карагач, җиләк чорын экстерн рәвештә генә узып, гөмбә җыю чорына керербез кебек тоела. Быелгы җәй яңгырлары белән сынап та карый шул! 

Шулай да, кәефне төшереп утырырга димәгән. Урамда түгел, күңелдә җәй булу мөһим, дуслар! “Ялкын” журналы яңа бәйге игълан итә – “Көтелмәгән җәй”. Шартлары мондый:

! Җәй көне төшерелгән шаян, үзенчәлекле дип тапкан фотоңны безгә җибәр. Башка еллардагы җылырак җәйләрдә төшерелгән фото булса да ярый. 

! Фотолар 19 июльгә кадәр yalkin_konkurs@mail.ru адресы буенча кабул ителә. Хатның темасына “Көтелмәгән җәй” дип язарга онытмагыз. Исем-фамилиягезне күрсәтергә кирәк. Фото нинди шартларда төшерелгәне турында берничә җөмлә язсагыз, тагын да яхшы була. 

! Бәйгенең җиңүчесе тавыш бирү ысулы белән ачыкланачак.

! Нәтиҗә 30 июльдә игълан ителәчәк. 

Ә бүләккә: быел иң популяр әйбер – текә СПИННЕР!
Шулай ук башка призлар да каралган, иң актив,
тырыш катнашучылар да бүләксез калмаячак.
Йә, дуслар, хәерле сәгатьтә!