«РЕЖИССЕР БУЛАМ ДИСӘҢ»

Татарстанда зур проект – республикабыз турында фильм төшерү эшләре башланып китте.

Әлеге авыр һәм бик җаваплы эшкә яшь, сәләтле Казан режиссеры Владислав Кушнеров алынырга була. Татарстан турында фильм «Кинокрут» видеостудиясе һәм Вконтакте социаль челтәрендәге «Татарстан. Наша Республика» паблигы белән берлектә төшерелә.

«Кинокрут» командасы фильм төшерүне Саескан тавында башлап җибәргән инде. Оештыручылар биш көн эчендә Татарстанның 16 торак пунктында булырга һәм республикабызның иң матур урыннарын төшерергә өметләнәләр.
Идея авторлары бөтен теләүчеләргә дә фильм ясауда катнашырга тәкъдим итәләр. Моның өчен бары тик Татарстаныбызның матур урыннарын төшергән видеоязмаларны режиссерга, «Татарстан. Наша Республика» паблигы администраторына җибәергә яки Вконтакте социаль челтәренә #НашаРеспублика хештегы белән эләргә кирәк.

«Татарстан. Наша Республика» паблигы: https://vk.com/nashtatarstan