ҮЗ МӘКТӘБЕҢ БЕЛӘН ҮЗЕҢ ИДАРӘ ИТ!

5 октябрь көнне («РДШ – территория самоуправления») дип исемләнән Бөтенроссия конкурсы старт алачак. 

Конкурста бөтен Россия буенча мәктәпләрендә активист һәм лидер булган 7-11 сыйныф укучылары катнашачак. Конкурс барышында алар үз мәктәпләре базасында үзидарә органы һәм 2017-2018 елларга план төзергә тиеш була. Әлеге планның эчтәлеге мәктәптә уку шартларын яхшыртудан гыйбарәт. Ул гына да түгел, бу эш кәгазьдә генә калмыйча, тормышка ашырылырга һәм видеога төшерелергә дә тиеш булачак.

5 октябрь көнне Россия мәктәпләрендә Үзидарә көннәре уздырылачак, аның кысаларында 7-11 сыйныф укучылары үзләрен укытучы буларак сынап карый алачак.

Җиңүчеләр “Росссия мәктәп укучылары хәрәкәте – үзидарә территориясе” дип исемләнгән форумда катнашачак.

Сүз уңаеннан, Татарстаннан әлеге конкурста 147нче мәктәп катнаша.