Татарстанга көчле җил, яшенле яңгыр, боз якынлаша!

Бүген төнлә ишек-тәрәзәләрегезне яхшылап ябып йоклагыз. Чөнки төнлә белән республикада һава торышы кинәт кенә бозылачак.

Көчле җил, яшенле яңгыр көтелә. Кайсыбер урыннарда боз яву ихтималы да бар, дип хәбәр итә Татарстанның гидрометеорология үзәге. Һава торышы исә әллә ни үзгәрми. Төнлә 13-18 градус җылы, ә иртәгә көндез 25-30 градус кызу булачак.