Иртәгә урамга чыкмаска: Татарстанда көчле җил көтелә

Фото: pixabay.com

Иртәгә республикада һава торышы начарлануы, көчле җил исүе көтелә. Татарстанның Гадәттән тыш хәлләр министрлыгы халыкны кисәтә: җил көчәйгәндә, өйдән чыкмаска киңәш ителә.

18 майда иртәнге сәгать 5.00тән алып 18.00 сәгатькә кадәр Татарстанда төньяк-көнбатыштан көчле җил исүе көтелә, ул урыны-урыны белән секундына 18 метр тизлек белән исәчәк.

Шулай ук коткаручылар урамда юл билгеләре, элмә такталары, йорт түбәләре һәм зур агачлардан ераграк торырга киңәш итә. Электр тапшыру линияләре астында булу аеруча куркыныч.

tatar-inform.tatar