ВИДЕО: “Җәлил укулары” халыкара бәйгесенә йомгак ясалды

Шушы көннәрдә Казанда Беренче Халыкара “Җәлил укулары” бәйгесенең финал өлеше узды. Конкурста Татарстан, Россия һәм чит илләрдән 4000 меңнән артык бала һәм 25 яшькәчә булган яшьләр катнашты. Алар арасыннан иң-иң шәп 64 катнашучы финалга узды.

Җиңүчеләрнең исемнәрен Кәрим Тинчурин театры бинасында узган гала-концертта игълан иттеләр. Укучылар бөек шагыйрь Муса Җәлилнең шигырь, әсәрләрен татар, рус, таҗик, инглиз, төрек телләрендә сөйләп, тамашачыларны таң калдырды.

Әлеге чарадан видеороликны сезнең игътибарга да тәкъдим итәбез.