Эзләүче отрядлар белемнәрен арттыра

Фото: veteranrb.ru

6 февральдән башлап, Чиләбе, Самара, Мәскәү һәм Псков өлкәләрендәге эзләү отрядларына йөрүче егет-кызлар белемнәрен арттыра башлый. Эзләүчеләр мәктәбендә узачак әлеге укулар 8 февральгә кадәр дәвам итәр дип планлаштырыла.

Дәресләр “Ватан” Россиякүләм мәгълүмати-эзләү үзәге базасында оештырылачак. Әлеге төркемгә керүчеләр топография, gps-навигация, нигезләре белән танышачак, эзләү эшләре башкарган вакытта куркынычсызлык техникасы, кеше анатомиясе, Ватанны саклаганда һәлак булганнар турындагы хәтерне мәңгеләштерү процессын мәгълүматлаштыру турында белем туплаячак.

Моннан тыш, егет-кызлар эзләү эшләре нәтиҗәләрен документлаштыру һәм фотода теркәү буенча дәресләр алырга тиеш. ВИПЦ тарафыннан булдырылган, илдәге эзләү эшләре нәтиҗәләрен исәпләү системасының эшен өйрәнү – шулай ук мөһим максатларның берсе.
Чара Россия Президентының гражданнар җәмгыятен үстерүгә грантын файдаланып уздырыла. Әлеге грант президент Грантлары Фонды тарафыннан гамәлгә куела.