“СӘЛӘТ”ТӘ – ЯҢА МӘКТӘП

Күптәнге дусларыбыздан “Ялкын” укучылары өчен яхшы хәбәр. Сәләт дөньясы сиңа яңа мөмкинлекләр ача.

Бу хәбәрне игътибар белән укы!

Сәләт ВикиМәктәбе укучысы булырга теләк белдердеңме әле?

Проект гаризасын selet.biz сайтында таба аласың. Сайтка керүгә «Сәләт ВикиМәктәбе» дигән төймәне күрерсең – шунда бас һәм гаризаңны калдыр!

ВикиМәктәп кысаларында:
• Википедияче-спикерлар катнашында 7 сәгатьлек уку-укыту программасы;
• Татарстанның мәдәни объектлары буенча вики-сәфәрләр;
• ВикиМәктәпнең күчмә сессиядә катнашу мөмкинлеге;
• Сәләт ВикиМәктәбе курсларын үтүне раслаучы Викимедиа таныклыгын алу.

Гаризалар 21нче октябрьгә кадәр кабул ителә – соңга калма!

Онытма: проектта дөньяның төрле почмагында яшәүче татар телле бала катнаша ала.

Проект кысаларында Викимедиа дөньясы мөмкинлекләре белән таныштыра торган уку-укыту программасы каралган.
Соңыннан программаны узган катнашучылар өчен практика чоры башлана.