Медиалогия ТОП-20 рейтингында Татмедиа филиаллары да бар

«Татмедиа» акционерлык җәмгыяте филиаллары Татарстан республикасының иң еш өземтә китерелә торган 20 массакүләм мәгълүмат чарасы исемлегенә кергән.

«Медиалогия» компаниясе, 2018 елның II кварталы нәтиҗәләре буенча, филиаллары Татарстан республикасының иң еш өземтә китерелә торган 20 массакүләм мәгълүмат чарасы исемлеген төзегән. ТОП-20дә «Татмедиа» АҖ филиаллары да бар.

«Татар-информ» мәгълүмат агентлыгы кабаттан Татарстанның иң еш өземтә алына торган мәгълүмат чарасы буларак танылды. Апрель ае күрсәткечләре буенча, агентлыкның интернет чыганакларда өземтәгә алыну индексы 393,44 санына җиткән.

Рейтингның 8нче урынын «Челнинские известия» газетасы биләгән. Аның индексы – 22,93.

Рейтингта беренче тапкыр (!) «Альметьевск ТВ», «Татар-информ» мәгълүмат агентлыгының махсус проекты булган «Атна вакыйгалары» газеталары да урын алган. Алар исемлектә 13нче һәм 15нче урыннарны биләр торалар.

«НТР-Нижнекамск» та үзенең гореф-гадәтләргә тугры калган һәм Топ-20дә үзенең лаеклы урынын яулаган.

Шуны искәртергә кирәк: әлеге рейтинг «Медиаология» ММЧ системасы базасы нигезендә төзелә. Әлеге база ТВ, радио, газета, журнал, мәгълүмат агентлыклары, Интернет ММЧ – барлыгы 46 200гә якын чыганак эшчәнлеген исәпкә ала.