КФУда үткәреләчәк татар теленнән бушлай курсларга язылу бара

Дәресләр Казан федераль университетының Л.Толстой исемендәге филология һәм мәдәниятара багланышлар институты базасында узачак, алар 14 декабрьгә кадәр 3 ай дәвам итәр, дип көтелә. Татар телен үзләштерергә теләгән һәркем үзенә уңайлы графикны сайлый ала: атнасына ике тапкыр (дүшәмбе һәм чәршәмбе, сишәмбе һәм пәнҗешәмбе) 8.00дән алып 10.00га кадәр, яки кичләрен 18.00-20.00га кадәр.

Сүз уңаеннан, әлеге курслар КФУда 2012 елдан бирле уздырыла. Узган ел анда 920 кеше татар телен үзләштерергә теләк белдергән. Шулай ук Казан мәчетләрендә уза торган татар теле курсларын быел да дәвам итү күздә тотыла.

Курсларга язылу өчен сылтама: https://kpfu.ru/