София Ротаруны Уфада хастаханәгә салганнар

Фото: hochu.ua

Җырчы София Ротаруны Уфада хастаханәгә салганнар. Бу хакта UFA1 сайтына сылтама белән РИА Новости яза.

Портал мәгълүматлары буенча, шәһәрдәге корпоратив чарада чыгыш ясаганда артистканың хәле начарланган. Ротару хастаханәгә 23:00 сәгатьтә китерелгән диелә хәбәрдә.

Хастаханәгә салуның сәбәпләре һәм диагнозы хәбәр ителми.

София Ротару — совет һәм украин эстрадасы җырчысы. 1988 елда СССРның Халык артисты исемен ала, 2002 елда Украина Герое исеменә лаек була. Җырчының репертуарында рус, украин, молдава һәм башка телләрдә 500 дән артык җыр исәпләнә.

tatar-inform.tatar