Телебез язмышы турында сөйләшәләр

Бүген Татарстан Фәннәр академиясенең Ш. Мәрҗани исемендәге тарих институтының Х.Фәезханов исемендәге Милли мәгариф тарихы һәм теориясе үзәгендә «РФ мәгариф системасында республикаларның дәүләт телләрен һәм туган телләрне укыту принциплары» темасына төбәкара фәнни-гамәли конференция узды.

Биредә югары уку йортларында эшләүче галимнәр, районнардан килгән укытучылар, экспертлар катнашты. Конференциядәге чыгышларда туган телләрдәге мәгарифнең норматив-хокукый нигезләре, төбәк телләрдәге мәгариф һәм биллингваль программаларының тәҗрибәсе, дәүләт телләрен укытуның бүгенге халәте һәм перспективалары кебек юнәлешләргә басым ясалды. Россия Федерациясенең мәгариф системасында туган телләрне саклау проблемалары, укытуның биллингваль программалары, милли университетның нәкъ менә хәзер кирәк булуы кебек актуаль мәсьәләләр күтәрелде.