Филармония хезмәткәрләре хәйрия акциясендә катнаштылар

Габдулла Тукай исемендәге Татар дәүләт филармониясе директоры Кадим Назыйр улы Нуруллин һәм тагын бер төркем хезмәткәрләргә “Ялкын” коллективы зур рәхмәтләрен җиткерә!

Алар, Балаларны яклау көне уңаеннан, Татарстан Республикасында урнашкан баалалар йортлары һәм интернатларны “Ялкын”  белән “Сабантуй” журналларына яздырдылар. Шулай итеп, 2018 елның июль аеннан декабренә кадәр 17 балалар йортында тәрбияләнүчеләр татарча чыга торган әлеге журналлар белән танышып бара алачак. Филармония хезмәткәрләренең Рамазан аенда кылынган бу изге гамәлләре үзләренә йөзләтә кире кайтсын!

Исегезгә төшерәбез: #Подпишиблизких акциясе кысаларында теләсә кем бүләк итеп үзе  сайлаган адреска газета-журнал яздыра ала. Әлбәттә, “Ялкын” яки “Сабантуй”ны яздырып, балаларны, яшь буынны татарча матбугатны укуга кызыксындыра алсак, файдалырак булачак!