Татарстанда җинаятьләр саны кимегән

Татарстанда җинаятьләр саны кимегән. ТР ЭЭМның ЮХИДИ Идарәсе җитәкчесе Ибраһимов Рөстәм Әнвәр улы урам җинаятьләрен ачу һәм профилактикалау буенча матбугат конференциясендә шулай дип хәбәр итте.

“Җинаять кылуга этәрүче төп сәбәпләрнең берсе – регионның экономик хәле. Ә Татарстан Россиядә иң алга киткән өлкәләрдән санала. 2018 елның соңгы 4 аенда җинаятьләр саны 7%ка азайды”, – ди ул. Шушы чор эчендә республикада барлыгы 2121 җинаять кылынган. Әлеге сан узган ел белән чагыштырганда 13%ка кимрәк.

Фактлар: 

– Соңгы 4 айда кылынган 56 җинаять эше ачылмаган килеш;

– Камералар ярдәмендә республикада соңгы 4 айда 620 җинаять эше ачылган;

– ТР буенча аларның саны 17 меңне тәшкил итә;

– Шушы чор эчендә волонтерлар ярдәме белән хәбәрсез югалган 19 кеше (7се балалар) табылган.

Зилә Сабитова