Социаль челтәрләрдә лайк куйган өчен төрмәгә? 

КФУда социаль челтәрләрдә репост ясаган өчен суд юлында йөрү ихтималы булу турында сөйләделәр.

КФУның психология кафедрасы ассистенты Андрей Мельников мондый хәл сезнең белән дә килеп чыкмасын өчен Интернетта эш иткәндә истә тотарга кирәкле кагыйдәләрне искәртте: “Беренче карашка, лайк куюның бер начарлыгы да юк кебек. Тик без кайчак экстремистик постларга юлыгуыбызны, аларга лайк куюыбызны сизмибез дә. Бүлмәдә Интернетта утырганда безнең янда берәү дә юктыр кебек, ә чынлыкта бар дөнья якында гына”.

Ул юридик документлар белән танышырга киңәш итә: “Җинаять кодексының Интернет кулланучыларын җаваплылыкка тарту мөмкин булган өлешләре белән танышып чыгу кирәк. Болар барысы да без белергә тиешле куркынычсызлык кагыйдәләренең минимумы”.