Россиянең 25 иң яхшы мәктәбе исемлегендә татарстанныкылар бармы?

Өзлексез рәвештә математик белем бирә торган математика үзәге Россиянең 500 иң яхшы мәктәбе исемлеген төзегән.

Аны Санкт-Петербургтагы 239нчы физика-математика лицее ачып җибәрә. Икенче урында Саранск шәһәрендәге сәләтле балалар өчен республика лицее урнашкан. Мәскәү шәһәре мәктәпләре өченче урында: Россия башкаласының 179нчы мәктәбе бронза «медаль» алган.

Татарстанга килгәндә, бу исемлеккә эләккән мәктәпләр арасында ТОП-25тә Казанның 131нче лицее эләккән.

Әлеге исемлекне төзегәндә, белгечләр Төп дәүләт имтиханы (ОГЭ), Бөтенроссия олимпиадаларында җиңүчеләр һәм призерлар нәтиҗәләренә таянган. Бөтенроссия тикшерү эшләрендә катнашу да мәктәпләргә өстәмә балл биргән. Укучыларны конкурс нигезендә алмаган мәктәпләренң әлеге исемлеккә эләгү шансы күбрәк булган.