Россия студентларының стипендияләре артты

Яңа уку елында КФУ студентлары алачак стипенидия күләме 6,9%ка арта. 

1 сентябрьдән Россия студентларының стипенидияләре 5,9% ка артты – бу турыда Россиянең мәгариф һәм фән министрлыгы хәбәр итә.

КФУ студентлары башкаларга караганда ныграк та шатлана ала: аларның стипендияләре 6,9% ка артачак.

Димәк, быелдан башлап КФУныкылар 1590 сум урынына 1700 сум академик стипендия алачак. Ә яхшы укучылар кесәләренә 2385 сум урынына 2550не сала торган булыр.

Социаль стипендия күләме хәзер 2550 не тәшкил итә. Яхшы укый торган мохтаҗ студентлар 9500 урынына 10330 сум стипендия ала башлар дип көтелә.

Сүз уңаеннан, КФУда 11 мең тирәсе студент стипендия ала.