Казанда Халыкара мөселман киносы фестивале башлана 

Бүген Казанда XIII Халыкара мөселман киносы фестивале башлана. Быел анда 27 илдән 60 фильм тәкъдим ителәчәк. Барлыгы 61 илдән 782 гариза кабул ителгән булган. 

Кинофильмнарны Россиянең халык артисты Николай Досталь җитәкчелегенә абруйлы жюри бәяләячәк. Килгән кунаклар арасында кинемотография өлкәсендә шактый эш башкарган шәхесләр булачак: актерлардан Наталья Варлей, Светлана Светличная, Владимир Конкин, Ольга Остроумова, Марат Башаров, Сергей Маховиков, Кирилл Плетнев, Владимир Вдовиченков, Анна Снаткина, Леонид Кулагин, Виктор Мережко, продюсерлар Рубен Дишдишян, Руслан Татаринцев, Игорь Мишин, киновед Кирилл Разлогов, җырчылардан Эльмира Кәлимуллина, Динә Гарипова.

Фильмнарны «Родина», «Мир», «Киномакс», «Корстон» кинотеатрларында һәм Казан Кремлендә карарга мөмкин.