Казанда сугыш сәнгате буенча ачык фестиваль уздырыла!

Кайда: «Ак барс» көрәш сараенда

Кайчан: 24 майда, 13.00 сәгатьтә башлана.

Керү: бушлай.

 

Фестиваль Бөек Ватан сугышында Җиңүнең 70 еллыгына багышлана.

24 майда Казанда «Ак барс» көрәш сараенда сугыш сәнгате буенча ТР ачык фестиваль уза. Чараны Россия сугыш сәнгате берлегенең ТР филиалы һәм ТР Яшьләр эшләре һәм спорт министрлыгы оештыра.

Оештыручылар белдергәнчә, фестиваль Бөек Ватан сугышында Җиңүнең 70 еллыгына һәм ТАССР ның 95 еллыгына багышлана.

Татарстан Республикасының сугыш сәнгатен үстерүче эре спорт федерацияләре һәм оешмалары турнирда катнашырга әзерләнә.

“Бу уникаль фестиваль. Бу вакыйгага тиңдәшләр Россиядә, Европада, Азиядә дә юк. Без сезнең белән Татарстанның иң яхшы 300 спортчысы һәм остасы катнашында сугыш сәнгатенең матурлыгын гына түгел, ә көрәш тарихын да беләчәкбез, илләр буенча мавыктыргыч сәяхәткә “юнәләбез”, – дип билгеләп үтте Россия Сугыш сәнгате берлегенең ТР буенча филиалы башкарма комитеты җитәкчесе Александр Даренков.