“ТЕЛЕБЕЗНЕ СЕЗ ДӘ ЯКЛАГЫЗ!” /ВИДЕО/

Бүген Дәүләт Советы утыршы алдыннан дистәләгән активист “Туган тел” җырын җырлап, депутатларга “Әлифба” китаплары бүләк итте. “Телебезне якласагыз иде” – җырчы, язучы, журналист, студент һәм мәктәп укучылары аларга шулай дип мөрәҗәгать итте. 

Депутат, Яңа Гасыр телерадиокомпаниясе генераль директоры Илшат Юныс улы Әминев үзе килгән кешеләр янына басып бар тавышына милләтебезнең гимнына әверелгән җырны сузды.

Депутатлар арасында елмаеп, китапны алучылар да, “кирәкми, рәхмәт” диючеләр дә, чабып кереп китүчеләр дә булды.


Казахстан республикасы, Җидепулат шәһәре Татар сәнгать мәктәбенең 25 еллык юбилее уңаеннан уздырылган фәнни-гамәли конференция кысаларында Җидепулат, Омск, Тобольск, Новосибирск, Татарстан татарлары һәм казахлар, татар телен яклап, “Туган тел”не җырлады.